کلثوم داؤد

ڈائریکٹر

مسز کلثوم داؤد، داؤد فاؤنڈیشن کے بورڈ میں بطور ٹرسٹی ہیں، جو کہ داؤد گروپ کی ایک رفاہی تنظیم ہے۔ مسز داؤد فیملی ویلفیئر کوآپریٹو سوسائٹی کی بھی ٹرسٹی ہیں، جو کہ غریب پاکستانی نوجوان خواتین کی فلاح و بہبود کے لیے کام کرتی ہے اوروہ ممبر ڈی آئی ایل بھی ہیں جو پاکستان میں خواندگی کے لیے کام کرتی ہے۔

مسز داؤد اپنی سماجی اور شہری ذمہ داریوں کو انتہائی سنجیدگی سے لیتی ہیں۔ وہ ہیلتھ کیئر، تعلیم اور معاشی ترقی کے لیے مختلف خیراتی اداروں کی سپورٹ کر چکی ہیں, وہ SOS کی ممبر بھی ہیں جو ایک خیراتی ادارہ ہے جو یتیم بچوں کی فلاح وبہبود کے لیے کام کرتا ہے، اس کے ساتھ وہ ڈیپلیکس اسمائل آگین فائونڈیشن کی ممبر ہیں یہ بھی ایک خیراتی ادارہ ہے جو جلنے سے متاثرہ افراد کی مدد کرتا ہے۔

انہوں نے دوسرے خیراتی اداروں جس میں کیئر (ترقی، بحالی اور تعلیم کے لیے تعاون)، لاہور ہسپتال ویلفیئر سوسائٹی، ذہنی معذور بچوں کی بہبود کے لیے پاکستان سوسائٹی اور آل پاکستان وومنز ایسوسی ایشن کو بھی سپورٹ کیا ۔ مسز داؤد نے بطور صدرویمن والینٹیر سروس میں رضاکارانہ خدمات اور پنجاب وومنز سوئمنگ ایسوسی ایشن میں (2000۔2005) تک خدمات انجام دیں۔

انہوں نے دنیا کے معروف بزنس اسکولوں، انٹرنیشنل انسٹیٹیوٹ برائے مینجمنٹ ڈیولپمنٹ (IMD) سوئٹزرلینڈ میں 2004 سے 2005 اور انسٹیٹیوٹ یورپین ڈی ایڈمنسٹریشن ڈیس افیئرز (INSEAD) میں 2007 میں خاندانی کاروبار کے کورس میں شرکت کی۔ وہ باقاعدگی سے ڈیووس میں عالمی اقتصادی فورم کے سالانہ اجلاسوں میں شرکت کرتی ہیں۔